هذي وصفة مجربة و على لسان احدى النساء
مرحبا بيكم قررت نوريكم كيفاش كنهتم بشعري من الالف الياء غادة نحط البرنامج الي متبعاه وكيصلاح لجميع انواع الشعر وخاصة الشعر الدهني بحال شعري انا دهني والكل كيعرف المشاكل ديال هاد النوع من الشعر ولهدا انا كنتبع طريقة خاصة فالاهتمام بيه والحمدلله انا شفت النتيجة
من بين النتائج ديال هدا البرنامج الي كنستعملو انك كتحصلي على شعر قوي وكثيف ومكيتساقطش وكيطول فمدة وجيزة والكل كيلحظ الفرق من بعد الاستعمال ديالو بالاضافة لرائحة الجميلة الي كتبقى فالشعر
غادي نبداو باول حاجة هي غاسول الدار المسقي بالاعشاب والكل كيعرف الفوائدوهدي طريقتي انا غادي نشرحها بالصور انا خديتها من خالتي الي ماشاء الله شعرها رغم تقدمها فالسن مزال كيلفت الانظار طول وقوة ونوعمة وهي مكتستغناش عليه ونصحتني بيه وفعلا ممتاز للشعر ومكيطلبش بزاف
المكونات
نحتاجو ليه كيلو غاسول غادي تعرفوه من الصور حيث فيه انواع كتمشي عند العطار وتختاري نوع راه كيكون ميدم بحال الشكلاط ممكن تلقيه فكيس اخضر بحال الي كنستعمل ولكن طلبي منو يفتح ليك الكيس ماشي غير تاخديه باش تاكدي من شكلو تم ماء غليان باش نخلطوه
طريقة التحضير
ندوزو الغاسول نحكوه فحكاكة يكون رقيق كيف الصور
ومن بعد تستفوه فلاطات وتحطوه فالشمس فالصباح والعشية تحيدوه
دابا باش نسقيوه تاخدي كقصرية او بانيو يكون كبير وتوضعي فيه الغاسول وكتضيفي عليه 3 معالق كبار من من الاعشاب(أوراق الزعتر+أوراق ازير(اكليل الجبل)+أوراق خزامة+أوراق الورد) الي طحنتي والقرنفل الا كنتي اخديتي 2 دراهم عمليها كاملة رشي ديك الاعشاب على على الغاسول
وتكوني طيبتي مقراش ديال الماء مزيان ; انا عبرت كمية ديال الماء الي تحتاجوها فكيلو ديال الغاسول غير باش نسهل عليكم تحصلو على نفس النتيجة (مقراش =13 كاس ديال العنبة ديال الماء طايب)
ولكن مضيفوهاش كاملة ضيفو شوية بشوية مع الخدمة باليد تبقاو تحكوه بيدكم بحال ملي كنعملو شي صابلي من الغاسول ههه للحلوة يعني كتخدمي بيديك حتى كتحسي بيه بحال الكريم ومبقاتش حتى حصى من الغاسول ونتي كضيفي الماء حتى تسالي الكمية الي عندك ديال الماء
ومن بعد تاخديها وتعمليه فشي لاطة مرة اخرة وتسرحيه فيها ولكن تكون الطبقة رقيقة ماشي غليضة باش داغي يوجد غادي تحتاجي كثر من لاطة
ولكن مضيفوهاش كاملة ضيفو شوية بشوية مع الخدمة باليد تبقاو تحكوه بيدكم بحال ملي كنعملو شي صابلي من الغاسول ههه للحلوة يعني كتخدمي بيديك حتى كتحسي بيه بحال الكريم ومبقاتش حتى حصى من الغاسول ونتي كضيفي الماء حتى تسالي الكمية الي عندك ديال الماء
ومن بعد تاخديها وتعمليه فشي لاطة مرة اخرة وتسرحيه فيها ولكن تكون الطبقة رقيقة ماشي غليضة باش داغي يوجد غادي تحتاجي كثر من لاطة
ولكن ملي تيبس كيقلال هد المعلومة غير باش ملي طلعي السطاح وخليه فالشمس والعشية حيده من السمرة او خليهو غطيه بشي حاجة حتى الصباح لانو كيحتاج حتى اربع ايام يعني متبقايش طالعة نازلة متقلة بيه خليه فشي بليصة مغطية من السمرة او انتي غطي بشي حاجة حتى الصباح وعرضيه تاني للشمس
حتى كيولي لونو بيض بحال الا غادة تشري ديال الزنقة الصور غادي توضح كثر
حتى كيولي لونو بيض بحال الا غادة تشري ديال الزنقة الصور غادي توضح كثر
طريقة الاستعمال : البرنامج ديالي
طريقة الاستعمال كيفاش تستعملوه فالدار او الحمام
اول حاجة انا كنصيبو فدار كناخد شي علبة اما كان فيها شي كريم او اي علبة بلستيكية تكون خاوية وندير فيها القياس الي بغيت ديال الغاسول
وكندير ماء يكون غليان ونصبو على الغاسول ولكن غير يتغطى على الحد ديال الغاسول ونسد عليه ونخليه شي 5 دقايق
وعاد نرجع نحركو بيدي تيولي بحال الكريم وريحة طالعة منو ماشاء الله انا كنبيتو فشعري كنفزك راسي بواحد الماء ديال الاعشاب من الفوائد ديالو حتى هو كيقوي ويمنع التساقط المهم كنفزك راسي بيه ونطلي راسي بالغاسول وندير زيف ونخليه فشعري حتى الصباح وكنمشي الحمام غير نحك ونغسل شعري ومن بعد من نغسل بشامبون كنزيد شوية ديال الغاسول فالاخر باش كتبقى ديك الريحة فشعري
0 التعليقات:
إرسال تعليق